Ruta do Alto do Príncipe
- Distancia: 3 Km
- Duración: 1h
- Tipo de ruta: Non circular
- Dificultad: Baixa
Partindo da Caseta de Información, collemos a pista de Rodeiras á dereita que nos leva á praia de Figueiras (300m). Nesta zona podemos ver o complexo dunar de Figueiras-Muxieiro -protexido por valados-, que posúe unha representación das especies propias destes fráxiles ecosistemas, como a camariña (Corema album) ou o tomiño bravo (Helichrysum picardii).
O camiño segue ascendendo até que chegamos á encrucillada principal da Illa de Monte Agudo (20 min). Desviámonos á esquerda, por un camiño que nos conducirá ao Alto do Príncipe. Desde aquí podemos deleitarnos coas impresionantes vistas dos cantís -desde a Cadeira da Raíña-. Neste punto tamén destaca o contraste entre as dúas vertentes das illas; a cara oeste moito máis abrupta.
Turismo de Vigo - Plaza do Rei nº 1 - Vigo - (+34)986810100 - Mapa web