• Eventos deportivos
• Turismo náutico
• Instalacións deportivas
• Outros deportes

Real Club Náutico de Vigo

O Real Club Náutico de Vigo fundouse en 1906 e naceu coa principal ilusión de aglutinar os deportes náuticos na cidade. Entre 1926 e 1929 a sede do Club era un gran barco de tres paus e 800 toneladas de rexistro, chamado Aklosofic, fondeado fronte ao porto actual. Os deportes de Remo, Vela e Natación foron os máis destacados historicamente.

O actual Edificio Social inaugurouse en 1945, situado a carón do mar na zona máis céntrica de Vigo, con amplos espazos abertos e axardinados, ideais para o paseo e a tertulia, con terrazas nas cafeterías do contorno. A partir de entón, a actividade social, deportiva e cultural tomou un relevo extraordinario: en 1967, abriu a súa Piscina Cuberta Climatizada, a primeira de Galicia, impulsando a práctica de deportes como a natación e o waterpolo no Club; en 1987, amplíanse máis as instalacións do Club, chegando a unha superficie total de 60.000m².

Cada ano organiza competicións a todos os niveis, nacional e internacional, e os seus deportistas participan en Campeinatos do Mundo ou Regatas Internacionais de alto prestixio. A Xunta de Galicia premiou como Mellor Club de Galicia ao R.C.N. de Vigo en deportes como Vela e Natación, entre outros: moto náutica, remo, waterpolo, etc. Na actualidade, conta con 9.000 socios numerarios.

SERVIZOS E INSTALACIÓNS:

• 436 amarres nun total de 12 pantaláns de amarre, con servizo de auga e electricidade.
• Varadoiro: cunha capacidade para 30 embarcacións. Como medios mecánicos existen un Travel Lift de 32 toneladas e un guindastre de 3 toneladas.
• Estación de servizo
• Seguridade (7 cámaras de vixilancia)
• 8 duchas e 3 aseos nos vestiarios
• Piscina cuberta climatizada
• Edificio deportivo con dúas terrazas en cada planta, taller de reparacións e gardería.
• Edificio social con amplas terrazas, cafeterías, sauna, ximnasio, grandes salóns, sala de exposicións e o salón rexio central.

FICHA TÉCNICA:

PORTO DEPORTIVO DO REAL CLUB NÁUTICO DE VIGO

• ENDEREZO: As Avenidas, s/n     36201 VIGO (Pontevedra)
• TLF: 986 449 694
• FAX: 986 449 695
• HORARIO OFICINA: Laborables: de 9:00 a 15:00 e de 16:00 a 19:00.  Sábados: de 10:00 a 14:00
• E-MAIL: puertodeportivo@rcnauticovigo.com
• LATITUDE: 42^º 15´ N
• LONXITUDE: 8^º 42´ W

REAL CLUB NÁUTICO DE VIGO

• ENDEREZO: As Avenidas, s/n     36202 VIGO (Pontevedra)
• TLF: 986 447 441 (Portería)     986 449 696 (Admón.)
• FAX: 986 449 697
• E-MAIL: rcnautico@rcnauticovigo.com