ESTA SEMANA SANTA, SÚBETE AO BUS TURÍSTICO!

Turismo de Vigo

Apetéceche un tour panorámico de Vigo? Se viaxas a Vigo con nenos ou simplemente non che apetece camiñar, o bus turístico de Vigo é unha excelente elección para ver o máis destacado da cidade con comodidade. 

Desde a planta descuberta do bus turístico de Vigo poderás visitar algunhas das zonas máis emblemáticas da cidade. Grazas ao sistema de locución, dispoñible en varios idiomas, descubrirás que  entre as rúas Policarpo Sanz e García Barbón se concentra a maior parte da oferta museística de Vigo, así como a identidade destes dous personaxes. A ruta turístico pasa polo mellor miradoiro sobre a ría de Vigo, descubrirache a auténtica cidade en barrios como Coia e levarate ata as marabillosas praias de Vigo.

Pistas e recomendacións: 

Esta Semana Santa, o bus turístico estará funcionando do 26 de marzo ao 1 de abril con dúas viaxes o día: ás 12:00 e as 16:30 h

O percorrido dura aproximadamente unha hora e media e sae da rúa Cánovas del Castillo (dende a parada que está diante do Centro Comercial A Laxe) .  

O billete mércase no mesmo autobús, o prezo é 7,50 € e permítelle subir ao bus durante todo o día.

O tour é gratis para os nenos menores de 5 años.

 

Etiquetas: