FESTA DOS MAIOS

Turismo de Vigo

 Celebra cos Maios a chegada da primavera

Vigo ten a súa propia festa da primavera: a Festa dos Maios, unha cita ancestral que, segundo contan as lendas, se festexa desde el período neolítico, coa aparición da agricultura.

É unha fermosa celebración pagá, que traslada ás pedras centenarias do barrio histórico de Vigo o costume dos nosos antepasados de invocar aos deuses para pedir boas colleitas. O rito agrario para favorecer a fecundidade da terra facíase a través dos maios (vistosas representacións florais naturais), a música e a poesía. En moitos sitios esta festa de primavera foi cristianizada e levántanse sobre unha cruz, aínda que en Galicia os verás case sempre sobre o chan.

Pistas e recomendacións: 

A festa ten lugar en torno á segunda semana de Maio. Podes consultar a data exacta na asociación veciñal do barrio histórico.

Se che gusta a música tradicional galega, non te perdas esta celebración, varios grupos folclóricos amenizan sempre estas alegres festas de primavera en Vigo.

O barrio antigo de Vigo énchese de postos de comida, flores e artesanía e hai moitísimos xogos e actividades para nenos.

Etiquetas: