Monumento do Bicentenario

A escultura de Silverio Rivas que reflicte a luz da ría

O Monumento do Bicentenario é unha das máis recentes esculturas que pasou a formar parte do Vigo Monumental, un símbolo que conmemora o Bicentenario do nacemento de Vigo como  cidade tras a expulsión dos franceses na Reconquista.

Trátase dunha obra do escultor Silverio Rivas, que cos seus 5 m de altura en aceiro representa  unha simbiose  entre os símbolos do escudo de Vigo —a torre e a oliveira— e a  realidade actual do municipio. Así, cada folla da oliveira representa unha  das parroquias do municipio. Enriba da árbore, a modo de  coroa, represéntase o mapa completo de  Vigo.

Pistas e recomendacións: 

Se che gusta a obra de Silverio Rivas, achégate á Praza de América para apreciar a monumental Porta do Atlántico.

Galería de imaxes: 
Turismo de Vigo

Información práctica

  • C/ Camelias