Teis

Entre o mar e a montaña

Teis é un barrio de mar e montaña. Obreiro e carismático. Antes de que Vigo fose un porto de grandes barcos, as mulleres dos pescadores subían ao monte da Guía polas noites para acender fogueiras e axudar aos seus maridos a regresar sans e salvos a casa. Dese pasado de aldea de pescadores está impregnado Teis, un dos barrios máis antigos de Vigo, coroado polo fermoso monte da Guía e a súa ermida da Nosa Señora das Neves. Bordeando o monte atópanse as pequnas praias de A Manquiña, a de A Fábrica, A Lagoa, Cala do Faro e A Punta. Máis ao sur,  poderemos visitar as de Ríos - Etea, Ríos - Pilón, Ríos - Rampla, O Mende e A Suacasa.

Hoxe, Teis é un dos barrios máis poboados e ofrece un variado comercio tradicional en torno á rúa Sanjurjo Badía, con seu propio mercado de abastos.

Completamente integrado no centro urbano, mantén intactas 3 zonas verdes: A Madroa, A Guía e A Riouxa, nas que se atoparon restos do Neolítico e da cultura castrexa.

Pistas e recomendacións: 

En Teis está a antiga sede da Escola de Transmisións e Electrónica da Armada, a ETEA, fundada en 1916 e con máis de 100.000 m². Hoxe, espazo de goce veciñal polo que é posible pasear xunto ao mar, camiñando polo exterior das instalacións.

Dúas sendas naturais percorren os montes de Teis: a Senda da Auga no seu camiño cara a Redondela e o Sendeiro GR-53.

Turismo de Vigo
Turismo de Vigo

Información práctica

Habitantes: 24.000