Ruta do Monte Agudo

Paseo entre os bosques das Illas Cíes

A ruta do Monte Agudo é un paseo natural entre os bosques das Illas Cíes. Iníciase na caseta de información xunto ao peirao. Xiramos á dereita, en dirección á praia de Figueiras. Ao chegar ao principal cruce de camiños da illa, seguimos recto ata a faldra do alto de Monte Agudo e, nunha bifurcación, xiramos á esquerda para dirixirnos a un observatorio de aves orientado cara á costa máis escarpada das illas, a que mira cara ao océano: lugar ideal para ver os centos de gaivotas patiamarela que poboan o parque.

Desde ese observatorio tamén se obtén unha boa panorámica das Illas Cíes e a veciña costa do Morrazo. De feito, retrocedendo un pouco polo camiño seguido ata aquí e xirando á esquerda poremos acercarnos ata o faro do Peito, o punto das Cíes máis próximo ao continente, a apenas 2 km e medio do cabo Home. Desde alí apréciase a illa de Ons, na entrada da ría de Pontevedra, outra das que compoñen o Parque Nacional.

Este é un percorrido curto que en gran parte se realiza por zona arborada e só ao final, no alto do monte, queda desprotexido, polo que a camiñada resulta agradable a pesar da súa pendente e do irregular do terreo nalgúns puntos. Ademais, hai elementos botánicos destacados como o fiúncho e a armería ou herba de namorar.

Pistas e recomendacións: 

A praia de Figueiras xunto á que pasa este percorrido é nudista.

Galería de imaxes: 
Turismo de Vigo
Turismo de Vigo

Información práctica

Distancia: 5,5 quilómetros.

Duración do percorrido: unha hora e 45 minutos.

Dificultade: media.

Tipo de ruta: non circular.