Vigo Vello

Coñece o comercio do barrio histórico

Vigo Vello é o centro comercial aberto do barrio histórico de Vigo. É unha zona en constante cambio, chea de vida, na que o pracer de comprar convive co de pasear: os seus edificios barrocos e a súa arquitectura popular, as súas xentes, as súas tendas… Encontrarás rúas, como Cesteiros, onde desde hai décadas os artesáns traballan de cara ao público tecendo as súas cestas. Artesanía de todo tipo, tendas de recordos e comercios de toda a vida conforman unha das zonas comerciais de Vigo máis auténticas.Non é raro que na túa visita a esta zona comercial de Vigo te encontres algunha das actividades que sempre se organizan no barrio, como o popular Concurso de Tapas ou a feira de produtos tradicionais, o primeiro sábado de cada mes.

Pistas e recomendacións: 

A visita ao barrio histórico é obrigada. É o corazón da cidade, e aparte da beleza dos seus edificios e das súas rúas empedradas, tes unha amplísima oferta de lugares para comer en Vigo ou picar algo, desde tascas de sempre a modernos restaurantes. E non te perdas o mercado de abastos do Berbés.

Información práctica