Chegar a Vigo
Vigo está ben comunicada grazas a unha completa rede de infraestruturas que conectan a cidade cos principais núcleos urbanos galegos, peninsulares e internacionais.
O seu porto atlántico, o seu aeroporto, a rede de estradas e o ferrocarril permiten a existencia dunha ampla oferta de transportes para todos os gustos e todas as posibilidades.
Por estrada:
Vigo conta con tres grandes viais:
- A Autovía do Noroeste: conecta a cidade con Madrid e a meseta a través de 667km de estrada.
- A Autovía das Rías Baixas: discorre dende Vigo até a autoestrada do Norte de Portugal, pasando por Tui, Braga e O Porto até enlazar con Lisboa; tamén enlaza coa autoestrada Vigo-Baiona.
- A autoestrada do Atlántico: comunica a cidade olívica co norte de Galicia a través de Pontevedra, Santiago e A Coruña.
En autobús:
As principais conexións enlazan Vigo con Madrid, Barcelona, Asturias, Bilbo, Irún, San Sebastián, Zaragoza, Estremadura, Andalucía... Tamén conta con rutas internacionais con Portugal (O Porto, Lisboa e Algarve), Francia, Suíza, Bélxica, Holanda, Dinamarca e Alemaña.
Estación de autobuses: Av. de Madrid, 57 Tlf: 986 373 411
En tren:
Existen conexións diarias entre Vigo e as cidades veciñas: Ourense, Pontevedra, Santiago, A Coruña e O Porto.
Ademais a oferta inclúe expresos e talgos cada día cara a Madrid e Barcelona, e trens directos a León, Ponferrada, Bilbo e Alacant.
Estación de trens ADIF: Praza da Estación s/n. Atención ao cliente: 986 269 403. Información nacional: 902 240 202. Información internacional: 902 243 402. www.renfe.es
En barco:
O porto vigués recibe cada ano miles de pasaxeiros de cruceiros, entre os que destacan o “Queen Mary II”, o “Queen Elizabeth”, o “Oriana” ou o “Arcadia”, entre outros.
Durante todo o ano hai transporte diario ás localidades de Moaña e Cangas do Morrazo.
Ademais, en Semana Santa e dende mediados de xuño a mediados de setembro realízanse rutas diarias ás Illas Cíes.
Estación Marítima: Estación Marítima s/n. Tlf: 986 225 272. Información: 902 454 645
En avión:
O aeroporto de Vigo está situado a 10km do centro da cidade. Conta cunha ampla oferta de voos regulares a Madrid, Barcelona, Bilbo, Canarias, Alacant, Sevilla, Baleares, Valencia e Málaga; e voos internacionais a París, Copenhaguen, Francfurt, Estocolmo e Lisboa.
Aeroporto de Peinador: Av. do Aeroporto s/n. Tlf: 986 268 200. www.aena.es