Museo do Mar de Galicia

Coñece a historia pesqueira no Museo do Mar

O Museo do Mar de Galicia ten unha das máis completas exposicións permanentes de Vigo, que combina con mostras temporais, sempre relacionadas co mundo do mar e a pesca.  Nel poderás coñecer toda a historia da actividade pesqueira de Vigo: pesca, marisqueo, acuicultura e os métodos de conservación, desde a primitiva salgadura ata o moderno conxelado, pasando polos avances técnicos nas embarcacións ou a bioloxía mariña.

O arquitecto italiano Aldo Rossi visualizou, desde o esqueleto da vella fábrica de Conservas de Alcabre (reutilizada despois como matadoiro municipal), o continente do fermoso museo, pero morreu mentres o convertía en realidade e o galego César Portela terminou a obra: unha auténtica marabilla arquitectónica que paga a pena visitar aínda que só sexa para perderse nas súas vertixinosas liñas triangulares.

Pistas e recomendacións: 

No acuario do museo poderás observar os principais ecosistemas que se atopan entre o propio peirao do Museo e a costa acantilada das Illas Cíes.

Mentres tomas algo na taberna do Museo do Mar poderás contemplar o xacemento castrexo que se pode visitar na zona.

Galería de imaxes: 
Turismo de Vigo
Turismo de Vigo

Información práctica

Horarios: 

Martes a Venres: de 10:00 a 14:00h e de 17:00 a 19:00h

Sábados, Domingos, Festivos e Verán ( 22/06 - 24/09 ): de 11:00 a 14:00 e de 17:00 a 20:00

Luns: pechado

(*Pechado 25 dec, 1 e 6 xan / 24 e 31 dec so aberto pola mañá)