Playmovil

A sala Playmovil naceu cunha enorme responsabilidade: manter o altísimo listón do que foi, quizais, o club máis emblemático de Vigo, o Vademecwm, un lugar mítico na historia do clubbing en Galicia e en España. Playmovil naceu con outro espírito, menos transcendental, pero mantendo ese gusto pola boa música que fixo grande ao Vademecwm. Grandes DJ e o único Club de Fumadores de Churruca, o Miniplay, son os principais reclamos deste local de música en directo.