Litoral da ría de Vigo

Explora a ría por terra e mar

Desde O Morrazo a Baiona, o litoral da Ría de Vigo é espectacular, contemplémolo desde o mar ou desde terra. Dedica parte da túa visita a Vigo a percorrer a súa costa, non te arrepentirás.

Na península do Morrazo encontrarás un riquísimo patrimonio cultural e etnográfico e encantadoras vilas mariñeiras como Cangas ou Moaña, ademais dalgunhas das mellores praias da ría de Vigo: pequenas calas escondidas, ideais para gozar coa túa parella.

Ao outro lado, ao sur da ría de Vigo, está Baiona: primeira localidade do mundo en coñecer a noticia do descubrimento de América. En toda a zona do Val Miñor encontrarás magníficas praias, algunhas, como Patos en Nigrán, son interesantes lugares para practicar surf na ría de Vigo.

No extremo máis oriental da ría encóntrase a espectacular Illa de San Simón, e a impresionante praia de Cesantes, ambas en Redondela. Paga a pena percorrer a pé o fondo de ría, coa ponte de Rande no horizonte, indicando a saída ao mar.

Pistas e recomendacións: 

Conquistarante as vistas da ría desde a Senda da Auga, un camiño natural desde o que te elevarás por riba da Puente de Rande, e verás un dos atardeceres máis espectaculares de Vigo.

Galería de imaxes: 
Turismo de Vigo
Turismo de Vigo
Turismo de Vigo
Turismo de Vigo